01
Bishitanan di amor
Bishita pa hendenan ku ta enfermo ku un ambiente di rèspèt, pas i atenshon personal.
Liesella Ministry
Fortifiká Bida
Kantando speransa, fe i konsuelo den momentunan difísil.
FORTIFIKÁ BIDA
Un ministerio di amor, orashon i speransa
Den momentunan di malesa i debilidad, un palabra di speransa i un kanto di fe por hasi un gran diferensia. Liesella Ministry ta dediká un parti di su ministerio pa bishita i kanta pa hendenan ku ta enfermo, ku e meta pa duna konsuelo, fortalesa i speransa, kompletamente gratis. Den momentunan di malesa i debilidat, un palabra di speransa i un kanto di fe por hasi un gran diferensia. Liesella Ministry ta dediká un parti di su ministerio pa bishitá i kanta pa hendenan ku ta enfermo, ku e meta pa duna konsuelo, fortalesa i speransa, kompletamente gratis.
Pa medio di kantikanan di alabansa i adorashon, Liesella ta kompartí mensahenan di fe ku ta rekordá e persona i su famia ku Dios ta presente den momentunan difísil tambe.
E ministerio ta enfoká riba animá kurason, duna pas i rekordá ku e amor i presensia di Dios por trese sanashon spiritual, fortalesa interior i speransa nobo. Kada bishita ta wòrdu hasí ku hopi amor, rèspèt i ku sentido di kombibensia. Aparte di kanto, si ta deseá, por risibí orashon tambe.
KIKO E MINISTERIO TA OFRESÉ
Presensia ku ta konsolá
02
Kanto di fe
Kantikanan di alabansa i adorashon ku por trese ánimo i speransa den momentu difísil.
03
Mensahenan di konsuelo
Palabranan di fe ku ta rekordá, ku Dios ta presente i ta sostené den tur situashon.
04
Orashon si ta deseá
Aparte di kanto, tambe por risibí orashon komo parti di e bishita.
NOS PROPÓSITO
Rekordá ku ningun hende no ta nan so
Nos deseo ta pa tur persona ku ta pasando den un momentu di malesa, dolor òf debilidat, por sinti ku nan no ta nan so. Ku pa medio di músika, palabra di fortalesa i presensia, nos kier rekordá nan ku Dios ta ku nan i ku semper tin speransa.
Esaki ta un ministerio ku ta sali for di kurason, ku e deseo pa fortalesé bida, animá alma i trese un toke di e amor di Dios den nan kamber, kas òf kualke lugá kaminda e bishita ta tuma lugá.
GRATIS
E ministerio aki no tin kosto
Fortifiká Bida ta wòrdu ofresé kompletamente grátis, komo un akto di amor, sirbishi i kompashon.
BISHITA
Abo konosé un hende ku por benefisiá di un bishita?
Si tin un familiar, amigu òf ser kerí ku ta pasando den un momentu di malesa i bo ta deseá un bishita ku kanto i orashon, por tuma kontakto ku nos. Nos lo hasi esaki ku amor.