Un ministerio musikal Kristian liderá pa e kantante di gospel Liesella Geertruida Thomas, ku ta usa músika komo instrumento pa sirbi Dios, inspirá hende i trese mensahenan di fe, speransa i amor.
E ministerio ta enfoká riba usa kantamentu di gospel pa toka kurason di hende den diferente situashon di bida. Pa medio di presentashonnan musikal, eventonan spiritual i bishitanan, Liesella Ministry ta trese konsuelo, motivashon i un eksperensia ku ta yuda hende sinti e presensia di Dios.
Liesella Ministry ta sirbi den diferente forma, manera:
DIREKSHON DI MINISTERIO
Liesella Ministry ta traha ku un propósito kla pa inspirá, guiá i alkansá hende pa medio di musika, testimonio i un mensahe di fe.
Liesella Ministry ta aspirá pa bira un ministerio ku ta inspirá, motivá, konsolá i transformá bida. Konsientisá hende riba e importansia di tin un relashon personal, profundo i real ku Dios, pa medio di músika i testimonio.
Liesella Ministry ta eksistí, pa trese un mensahe di speransa i fe pa medio di kanto, mensahenan i testimonio, stimulando hende di tur edat pa konosé Dios mas profundamente i biba un bida di relashon ku n’É.
E presensia di Dios ku a yena e sala. Danki na tur ku tabata presente, kua a kanta ku nos, resa ku nos, i hasi e anochi inolvidabel. Esaki no tabata djis un konsierto, e tabata un momentu di union, adorashon i komienso nobo. Nos ta drentando e aña aki ku fe i gratitut renobá.
“Website” i agrupashon musikal ofisial di Liesella Ministry ta “live”! Nos ta emoshoná pa kompartí nos mishon, historia i portafolio ku bo. E “website” aki ta un refleho di nos pashon i dedikashon pa sirbi Dios i inspirá hende. Nos ta spera ku bo por sinti e energia i fe ku nos ta pone den tur lokual ku nos hasi.