Biografia

Liesella Geertruida Thomas ta un kantante di gospel di Kòrsou ku ta usa su talento pa sirbi Dios i inspirá otronan. El a krese den un hogar Kristian huntu ku su mayornan i su tres rumannan. For di su infansia el’a kuminsá mustra interes pa kanta. Na iglesia su talento a wòrdu deskubrí ora ku el’a wòrdu invitá pa promé biaha, pa kanta un solo den un programa di iglesia. Despues di e momentu ei, el a kuminsá haña invitashon pa kanta na diferente iglesianan, i asina el a siguí desaroyá su don.

Liesella ta inspirá pa kantantenan di gospel manera CeCe Winans, i tambe pa kantantenan lokal manera Lientje Isenia i Veanira Reed. Na edat di 20 aña el a drenta studio di grabashon pa promé biaha i asina su trayekto públiko komo kantante di gospel a kuminsá.

Mediante Liesella Ministry, e ta usa su músika komo un ministerio pa animá, motivá i yuda hende sinti e presensia di Dios. Un di su proyektonan spesial, ta e konsierto “Ban Habri Aña ku Dios”. Un konsierto di alabansa ku ta inspirá hende pa kuminsá e aña den presensia di Dios.

Liesella Gertuida Thomas

Kantante Kristian